Berfa ku li Wanê ji doh ve dibare bandoreke neyînî li jiyana rojane kir. Li gelek navçe û gundikên li Wan, Agirî, Mûş û Colemêrgê rê li çûn û hatinê hate girtin. Ji ber berfê ku hîn jî dibare rêya 3 hezar û 46 gundan li çûn û hatinê hate girtin.
Li Wanê rêya 569 gundan, li Mûş û navçeyên wê rêya 333 gundan, li nvaenda Colemêrgê, û navçeyan rêya 301 gundan, li Agiriyê rêya 423 gundan, li Erzîromê rêya hezar û 315 gundan, li Erdexanê rêya 2 gundan, li Îdirê rêya 53 gundan, li Qersê rêya 50 gundan, bi giştî rêya 3 hezar û 46 gundan hate girtin.
Berfa ku serê sibehê zêde lê kir, bandoreke neyînî seferên balafiran jî kir. Li Balafirgeha Ferît Melen a Wanê, gelek seferên balafiran hate betalkirin. Tîmên şaredarî û rêyên bejahî hewl didin rêyên ji ber berfê girtî ne, vekin.
Li bajarên navborî barîna berfê didome û li hinek bajaran stûrahiya berfê metreyek derbas kiriye.
