Li gorî agahiyên ku ji aliyê Yerlîkaya ve hate dayin, di operasyonê de ku saet di 02:00 de destpê kir, endamên DAÎŞ’ê gule berdan hêzên ewlekariyê. Di şer de 7 polîs birîndar bûn û ji birîndaran 3 kes li nexweşxaneyê jiyana xwe ji dest dan. Di dema operasyonê de 6 kesên li navnîşanê hatin kuştin, 5 jin û 6 zarok bi rengekî ewle hatin veguhestin. Hate ragihandin ku operasyon saet di 09:40’î de bi dawî bû.
Yerlîkaya di daxuyaniya xwe ya têkildarî operasyonê de diyar kir ku di operasyonên meha dawî yên li dijî DAÎŞ’ê de 137 kes hatin girtin, têkildarî 97 kesan jî biryara kontrola edlî hate dayin. Yerlîkaya anî ziman ku di vê çarçoveyê de li 15 bajaran li 108 navnîşanên cuda bi hevdemî operasyon hatin kirin, operasyona li Yalovayê jî parçeyek jî vî karî bû.
