Bi ruhê berxwedana Kobanê ya sedsalê û berxwedana Bendava Tişrînê, bi sedan kes ji gelê kantona Firatê li qada Şehîd Egîd li hev û dû kom bûn û ber bi herdu taxên Kurdan ê Helebê Şêxmeqsûd û Eşrefiyê ketin rê. Konvoya gel bi dirûşmeya`Berxwedan Jiyane, Bimre Îxanet, Bijî Rêber Apo û Em ji Mirinê Mezintirin`, bi tilîlî lehiya berxwedanê ji Kobanê ber bi Şêxmeqsûd û Eşrefiyê ve ketin rê.
Di nava konvoyê de jin, ciwan extiyar, dayik hene û bi ruhê berxwedana Bendava Tişrînê ber bi herdu taxên Helebê ve diçin.
‘ÎRO ROJA ME YE, EM ZINDÎ NE’
Dayika ku bi konvoya yekem di sala bihurî de ber bi bendavê ve kete rê û li ser riya bendavê got, ew ji mirinê mezintirin, îro careke din berê xwe dide herdû taxên berxwedanê û bi wê gotina ku `Em ji mirinê mezintirin` ber bi herdû taxan ve ketin rê. Dayîka Edlê Bekir wiha got: “Em sînoran nas nakin, tu kes nikare sînrona li ser axên me bide çêkirin. Îro gelê me li ser piyan e. Serketin teqez ya gelê me ye. Çawa me got em ji mirinê mezintirin, em zindî ne. Kes nikare dagir bike axên me, em li pişt hêza xwe ne. Ez bang li her kesî dikim ku êdî rabin ser piyan. Îro şerê gelê şoreşgerî ye. Em ê îro isbat û teqez bikin wî şerî. Dem dema me ye, em li pey gelê xwe û welatê xwe ne. Kes nikare îradeya me bişkîne. Em ne ji top û ne jî ji balafirin û ne jî ji wan çeteyên Erdogan em natirsin. Îroj roja me ye. serkeftin ye.”
`ÇAWA BENDAV BI SER KET WÊ ŞÊXMEQSÛD JÎ BI SER BIKEVÊ`
Bêrîvan Îsmaîl jî anî ziman ku çawa ku wan bendava Tişrînê bi serketinê tacîdar kir, teqez ew ê herdû taxên xwe jî bi serketinê tacîdar bikin û got: “Em ê li gelê xwe xwedî derkevin. Çawa me serketin li bendavê bi dest xist, em ê li herdu taxên xwe jî bi serketinê tacîdar bikin. Em niha diçin Şêxmeqsûdê serketinê qezenc bikin û em ê vegerin.”
Piştî wê jî konvo ber bi herdu taxan Kurdî Şêxmeqsûd û Eşrefiyê ve ketin rê.
