Bi milyonan Emerîkî li hemberî serma zêde li ber xwe didin. Elektrîk li ser 600 hezar xanî hate birîn. Rayedaran diyar kirin ku herî kêm 23 kesan jiyana xwe ji dest dan.
Bi bandora hewa Arktîkê li herêmên bakur ên DYE’yê, asta germahiyê daket heta -45 pileyî.
Li eyaletên Minnesota û Wisconsinê germahî daket -30 pileyî.
Li zêdeyî bîst eyaletan berfê bi qasî 30 santîmetreyî erd girt û berf û qeşa bû sedem ku xetên eletkrîkê qut bibin.
Rayedaran hişyarî dan ku elektrîka li eyaletên Tennessee û Mississippiyê qut bûye dikare bi rojan dewam bike.
Ji ber bahozê çûn û hatin jî bi zehmetî tê kirin. Di serî de Washington, New York û Philadelphia, li gelek balafirgehan seferên balafiran gihîşt asta rawestînê.
Ji roja Şemiyê û vir ve zêdeyî 21 hezar seferên balafiran hatin betalkirin, bi hezaran sefer jî hatin taloqkirin. Li 20 eyaletan û paytext Washingtonê rewşa awarte hate ragihandin.
