Li gorî agahiyên hatine wergirtin, Yalda Abbasi 23’yê Çileya 2026’an dema çû serdana malbata xwe ya li Meşhedê, bi ser mala wan de hate girtin û hate binçavkirin. Piştre hate ragihandin, ji bo hunermenda ku sewqî Girtîgeha Vakilabad hatî kirin, înfaza cezayê wê hatiye destpêkirin.
Hat zanîn ku Yalda Abbasi ya li Elmanyayê dijî, ji ber betlaneya Noel’ê bi hevjîn û zarokê xwe re çûye Îranê û di dema vê serdanê de hatiye girtin. Malbata wê diyar dike ku ew ji bo darizandina Abbasi nehatine agahdarkirin û mafê parastin û nûneriya hiqûqî nedayînê.
Yalda Abbasi ya ku mezûna Konserwatûwara Giuseppe Verdi ya li Îtalyayê ye, bi xebatên xwe yên perwerdeya vokala klasîk a muzîka Kurd û Xorasan tê naskirin. Abbasi yek ji damezrînerên koma muzîkê ya Nazar e ku piraniya wê jin in.
