Komîteya Seferberiyê ya Rojava di şexsê şehîdê yekem ê seferberiyê Ehmed Omer de hemû şehîd bi bîr anîn û der barê şehadeta wî de ev daxuyanî da:
“Dîroka Kurdistanê careke din bi tîpên zêrîn rûpelên rûmetê bixwûna lawên xweyê herî bedew ve nivîsand. Dema ku li Rojavayê Kurdistanê li hemberî rûmeta mirovahiyê û hebûna gelê me êrîşên herî tarî dest pê kirin, ruhê seferberiyê yê neteweyî sînorên li ser nexşeyan hatine xêzkirin, di dilê ciwanên Kurd de hatin parçekirin. Lehengê gelê me, fedaîyê yekîtiya neteweyî Şehîd Ehmed, wekî bersiveke zindî ya vê yekîtiyê, ji xaka Başûrê Kurdistanê, bajarê dîrokî ji Kerkûkê berê xwe da axa pîroz a Rojava.
Şehîd Ehmed, tenê çekek hilnegirt; wî bi xwe re ruhê Qendîl, Helebce û Hewlêrê anî Kobanî û Cizîrê. Wî nîşan da ku dema mijar bibe parastina pêşeroja zarokên Kurd, ne sînorên kolonyalîst û ne jî deryayên xwînê nikarin pêşiya vî ruhî bigirin.
Şehîd Ehmed bû Pira Zindî Ya Yekîtiya gele Kurdistanê. Lawê çeleng ê Bajarê Kerkûkê hewrê Ehmed li ser xaka Rojava, ne wek mêvanekî, wek xwedîyê malê û parêzvanê rûmeta gelê kurd xwe şer kir. Wî dilê xwe û çarenûsa xwe bi dilê zarokên Rojava re kir yek. Di her gavê de, di her çeperê de bi vîna “Kurdistan Yek e” tevgerî. Şehadeta wî, ji bo me ne tenê şîn e; banga herî bilind a yekîtiya neteweyî ye. Xwîna wî ya ku li Rojava rijiya, bû morê herî qahîm li binê peymana biratiyê ya nava her çar parçeyên Kurdistanê.
Em wek hevrêyên wî û gelê wî, li ber bîranîna Şehîd Ehmed bejna xwe ditewînin. Ew şehîdê hemû Kurdistanê ye. Soza me ji bo wî ew e ku; em ê ala yekîtiyê ya ku wî ji Başûr anî Rojava, li ser lûtkeyên herî azad bilind bikin.
Serê malbata wî ya hêja, serê gelê me yê Başûrê Kurdistanê û hemû gelê me yê welatperwer sax be.
Şehîd namirin! Bijî yekitiya neteweyî! Rêya şehîdan ronahiya me ye!”
NASNAMEYA ŞEHÎD
Nav û Paşnav: Ehmed Omer
Navê Dayikê: Mehabad
Navê Bav: Hêmen
Cih û Dîroka Jidayikbûnê: 01.11.2003
Cih û Dîroka Tevlêbûnê: 20.01.2026, Kerkûk – Daqûk
Cih û Dîroka Şehadetê: 27.01.2026
