Li Sûriyeyê hevdîtinên li ser peymanê û danûstandinên dîplomatîk dewam dikin. Tê payin ku sibe li bajarê Qamişloyê qedexeya derketina derve bê ragihandin. Hevdîtinên dîplomatîk ên bi Şamê re jî dewam dikin. Di vê çarçoveyê de heyeta Şamê ya ku li Kobanê û Hesekê hevdîtinan dike, tê payin ku sibe li Qamişloyê jî hevdîtinekê bike.
Tê gotin, QSD jî ji bo bi Hiumeta Şamê ya Demkî re karekî hevpar bimeşîne amadekariyan dike. Tê payin ku heyeta Şamê îro li Hesekê civînekê lidar bixe. Her wiha tê gotin, ji bo Alîkariya Wezareta Parastinê û Walîtiya Hesekê hin nav ketin rojevê. Li gorî agahiyan, tê payin ku di van mijaran de rojên bê di asta biryarnameyê de gav bêne avêtin.
Dibe ku QSD di demeke nêz de navên ku li saziyên dewletê karê hevpar bimeşîne bi rengekî fermî eşkere bike.
Rayedarên QSD’ê û Rojava balê dikişînin ser girîngiya entegrasyon û çareseriyeke berfireh û hevgirtî.
Ji bo pergala îdarî û siyasî ya li Sûriyeyê jinûve ava bibe, hewldanên dîplomatîk dewam dikin. Tê gotin, heyetên Şam û QSD’ê di hevdîtinan de mijarên deriyê sînor, balafirgeh, entegrasyona saziyên îdarî û gelek mijarên din dinirxînin.
Li herêmê şer kêm bû be jî tê gotin ku metirsiya êrişan hîn bi temamî neqediya ye.
