Teşkîlata Îstixbarata Navendî (CIA) di daxuyaniya xwe de diyar kir ku wê êdî yek ji xebata kevintirîn û sembolîk a ajansê neyê weşandin.
Sedema têkildarî biryarê nehate eşkerekirin û hate bibîrxistin ku Dîrektorê CIA’yê John Ratcliffe demeke kurt beriya niha ragihandiye ku wê bernameyên ku têkariyê li mîsyonên sereke ên saziyê nekin, werin girtin.
Xebata ku cara ewil di sala 1962’yan de weke belgeyeke veşartî bi navê The National Basic Intelligence Factbook” (Pirtûka Rastiyên Bingehîn ên Îstixbarata Navneteweyî) hate amadekirin, di sala 1971’an de li gel raya giştî hate parvekirin.
Weşana ku piştre navê “World Factbook” li xwe kir, têkildarî aborî, hêza leşerî, çavkaniyên xwezayî û avaniyên civakî ên welatan agahiyên berfireh û hejmarî pêşkêş dikir.
Berhema ku bi awayekî zêde ji aliyê rojnameger, akademîsyen û xwendekaran ve dihat xwendin, piştî sala 1997’an bi awayekî dijîtal hate weşandin û ji bo xwîneran li ser malpera CIA’yê dihat pêşkêşkirin.
