Li gorî şahidên ji taxa Şêxmeqsûdê ya bajarê Helebê ji ajansa ANHA’yê re ragihandine, rewşên dizîn, talankirin û şêlandinê di bin gefa çekê de li dijî malbatên Kurd ji hêla komên çekdar ve zêde dibin.
Li gorî agahiyan, çekdarên tê texmînkirin girêdayî komên hikumeta demkî ya Sûriyeyê ne bi ser maleke Kurd ê ji 5 kesan pêk tê de girt, di bin gefa çekê de tiştên malê li pêş çavê xwediyê wê weke telefon, 250 hezar lîreya Sûriyeyê dizîn.
Ev bûyer, di çarçoveya pêkanîna berdewam ên dizîn, talankirin û şêlandina sîstematîk li dijî malbatên Kurd ên li taxên Şêxmeqsûd û Eşrefiyê de pêk tên. Ev yek bi armanca koçberkirina Kurdan û hiştina malên xwe nîşan dide.
Ev sûc piştî êrişa dijwar ên li dijî her du taxan di 6ˊê Çileya borî de, pêkanîna komkujî û wêrankirina mal-milkan û binesaziyan pêk tê.
