– Bûyerên piştî Banga Aştî û Civaka Demokratîk a Rêber Apo wê bêne şopandin.
– Hevserokê Konseya Rêveber a KCK’ê Cemil Bayik, der barê pêvajoya ku Rêber Apo daye destpêkirin de nirxandin kirin û destnîşan kir ku pêşveçûna pêvajoyê bi gavên pratîkî ve girêdayî ye; Bayik got: “Azadiya Rêber Apo û peydakirina derfetên xebatê yên serbest girîng e.”
– Êrîşên HTŞ û komên çete yên ser bi Hikûmeta Demkî ya Sûriyeyê ve ku li dijî bajarên Rojava pêk tînin û geşedanên girêdayî vê mijarê werin şopandin.
– Wezîrê berê yê Îtalyayê Paolo Ferrero diyar kir ku Rojava di çarçoveya konsepta hêzên herêmî û navnetewî de tê xwestin ku were tunekirin û got: “Kurd rastî îxaneta giran a mutefîkên xwe hatin. Divê gel ji bo parastina Rojava seferber bibin.”
– Çalakiyên ku li Kurdistan, Tirkiye û navendên Ewropayê li dijî êrîşên li ser Rojava tên lidarxistin, dê werin şopandin.
– Li Kobanê ya ku ji ber êrîşên komên HTŞ, DAIŞ û piştgiriya dewleta Tirk 20 roj in di bin dorpêçê de ye, krîza mirovî ya di qadên tenduristî, elektrik, av û xwarinê de roj bi roj girantir dibe.
– Alî Heyder Elyakut bal kişand ku peymana di navbera QSD û rêveberiya Şamê de fersendê dide parastina destkeftiyên demokratîk ên Kurdan û destnîşan kir ku êrîşên li ser Rojava bi hevsengiyên hêzên herêmî û planên ji nû ve sêwirandinê ve girêdayî ne.
