– Bûyerên piştî Banga Aştî û Civaka Demokratîk a Rêber Apo wê bêne şopandin.
– Êrîşên çeteyên HTŞ’ê yên hikûmeta demkî ya Sûriyeyê li ser bajarên Rojava û pêşketinên têkildar wê werin şopandin.
– Çalakiyên ku li Kurdistan, Tirkiye û Ewropayê li dijî êrîşên li Rojava hatine kirin wê werin şopandin.
– Di salvegera komploya navnetewî ya li dijî Rêber Apo de, wê li bajarê Strasbourgê yê Fransayê çalakiyeke mezin a şermezarkirinê bê lidarxistin.
– Endamê Konseya Rêveber a KCK’ê Mustafa Karasu, bang li gel kir ku beşdarî çalakiyên şermezarkirina Komploya 15’ê Sibatê bibin. Karasu her wiha êrîşên li ser Paradîgmaya Neteweya Demokratîk a Rêber Apo jî rexne kir.
– Dilar Dirik a ku nêrînên xwe yên di der barê konferansa “Em ê Kulîlk Bidîn Ji Ber Ku Şer Nikare Kokên Me Tune Bike” ya ku ji aliyê Tora “Jin Pêşerojê Dihûnin” û tevgerên jinan ên Amerîkaya Latîn ve hatibû rêxistinkirin parve kir; destnîşan kir ku têkoşîna jinên Kurdistan û Abya Yalaye gihîştine xeteke hevpar û bal kişand ser hewcedariya enternasyonalîzmeke nû. Zîlan Diyar jî diyar kir ku motîfên têkoşînê yên pireng û bi hev ve girêdayî derketine holê.
– Li Îngiltereyê, şarêderan sê şaredariyên cuda yên ji Partiya Karker, bang li rêveberiya Londonê kirin ku tundiya li dijî Kurdan a li Rojava bi awayekî eşkere şermezar bike û piştgiriya pêvajoya aştiyê ya li Sûriyeyê bike.
– Girtiyê Tevgera Azadiyê Nasrullah Kuran got: “Hêza sereke ya ku min wekî endamekî Tevgera Azadiyê motîve dike, bêguman felsefeya Rêbertiyê ye ku Tevgera Azadiyê kiriye Tevgera Azadiyê û ew rêxistinbûna îdeolojîk û polîtîk e ku vê felsefeyê dixe meriyetê.”
– Caro Sommer, yek ji ciwanên enternasyonalîst ên ku ji bo piştgiriya Kobanê çûbû Pirsûsê, destnîşan kir ku modela Rojava li dijî pergala kapîtalîst, faşîst, mêtîngerî û yekparêz alternatîf e û wiha lê zêde kir: “Em ciwan ji bo belavkirina vê alternatîfê derketin rê!”
