Newroz li Qersê li Qada Stasyonê hate pîrozkirin. Piraniya wan jin û ciwan ên ku kincên gelêrî li xwe kiribûn, girseya gel li qada pîrozbahiyê govend gerand. Çalakiyê bi deqeyeke rêzgirtinê destpê kir.
Ji DEM Partiyê parlamenter Heval Bozdag li qada Newrozê axivî, endamê Konseya Hevserokatiyê ya PYD’ê Salih Muslim bi bîr anî û diyar kir ku wê têkoşîna wî mezin bikin.
Heval Bozdag got, “Kurdan di her demê de li hemberî zordaran li ber xwe dan û îro jî li ber xwe didin. Ev berxwedan ne tenê ji bo gelên Tirkiye û Rojhilata Navîn e, bila ji gelên cîhanê re bibe îlham. Em ji Qersê silavên xwe dişînin ji her kesî û her cihên ku agirê Newrozê lê bilind dibe. Kurdan di her serdemê de li ber xwe dan.”
Pîrozbahiyê bi stranên Cevdet Bagca dewam kir.
