Ji ber barana dijwar a ku ji duh ve li herêmê dibare, konên wargeha Newrozê ya li bajarê Dêrikê tijî av bûn.
Ji ber ku kon bi lez hatine danîn û erdên wan bi betonê nehatine sererastkirin, ava baranê derbasî piraniya 100 konên nû hatibûn danîn. Ev jî bû sedem ku zerar li konan bibe.
Bi armanca şopandina rewşa koçberan komîteyeke rewşên awarte hat avakirin. Komîte ji 10 endamên Rêveberiya wargehê û nûnerên 5 komînên kampê pêk tê.
Komîteyê li tevahî wargehê geriya û zerar tesbît kirin. Koçberan bang li aliyên têkildar û rêxistinên mirovî kir ku bi lez destwerdanê bikin, çareseriyan ji rewşa wan re peyda bikin, binesaziya wargehê baş bikin.
Kampa Newroz ji bo malbatên koçberên ji Efrîn û Şehbayê yên ku ji ber êrişên Çileya îsal ji herêmên Reqa û Tebqayê hatine, bi awayekî lezgîn hatibû vekirin. Li wargehê koçberên ji Serêkaniyê û Girê Spî jî hene.
Hejmara malbatên koçber ên li wargeha Newrozê hezar û 165 malbat ku dike 5 hezar û 896 kes.
