Platforma Saziyên Demokratîk a Edeneyê, tevî barana zêde îro jî pîrozbahiyên Newrozê yên li bajêr berdewam kir. Navnîşana şahiya Newrozê ya îro, taxa 19ê Gulanê ya navçeya Yuregîrê bû. Di şahiya ku di bin baranê de hat lidarxistin de, li dora agirê Newrozê yê ku ji aliyê endamên Meclîsa Dayikên Aştiyê ve hat vêxistin, govend hatin gerandin. Di şahiyê de gelek caran sloganên “Şehîd namirin”, “Bê Serok jiyan nabe” û “Bijî Serok Apo” hatin berzkirin.
Hevserokê Partiya Wekhevî û Demokrasiyê ya Gelan (DEM Parti) yê navçeya Yuregîrê Zakir Boran di şahiyê de axivî û banga beşdariya pîrozbahiya Newrozê ya ku dê di 22yê Adarê de li Şanoya Vekirî ya Mimar Sinan were lidarxistin kir.
Hevserokê DEM Partiyê yê Edeneyê Seyfedîn Aydemir jî Endamê Komîteya Hevserokatiya PYD’yê Salih Muslim ê ku jiyana xwe ji dest dabû bi bîr anî û banga beşdariya pîrozbahiya navendî ya Newrozê ya li bajêr kir.
Pîrozbahî bi govendan bi dawî bû.
