Pîrozbahiya Newrozê ya li Wanê ku bi dirûşma “Newroza Azadî û Yekîtiya Demokratîk” bi beşdariya bi sed hezaran kesî pêk tê, bi coş dewam dike.
Aktîvîsta Tevgera Jinên Azad (TJA) Derya Aslan li pîrozbahiyê axivî, bal kişand ser girîngiya Newrozê ji bo têkowşîna azadiyê û destnîşan kir ku azadiya jinê şertê bingehîn ê azadiya civakî ye.
Derya Aslan anî ziman ku dirûşma “Jin, Jiyan, Azadî” bangeke azadiyê ya gerdûnî yıe.
NEWROZA JI ÎSYANÊ BER BI AVABÛNÊ
Piştî dadana agirê Newrozê Hevserokê Giştî yê DEM Partiyê Tûncer Bakirhan axivî. Bakirhan diyar kir ku Newroza 2026’an xwedî wateyeke cuda ye û got, “Ev Newroz Newroza derbasbûna ji îsyanê ber bi avabûnê ve ye. Newroza damezrîner e, destpêka serdemeke nû ye.”
Bakirhan kiryarên ewlekariyê yên li Wanê rexne kir û diyar kir ku divê pêşî li pêvajoya çareseriya demokratîk bê vekirin.
Bakirhan işaret bi bûyerên li Rojhilata Navîn kir û destnîşan kir ku di bingeha şerê herêmê de nebûna demokrasiyê heye.
Di dewama axaftina xwe de bal kişand ser banga 27’ê Sibatê ya Rêber Apo û anî ziman ku ev pêvajo ne tenê ji bo Tirkiyeyê, lê ji bo tevahiya Rojhilata Navîn girîng e. Bakirhan qala daxwazên bingehîn ên Kurdan kir û got, “Kurd dixwazin nasnameya wan bê naskirin. Kurd welatîbûna wekhev dixwazin. Kurd perwerdeya bi zimanê dayikê dixwazin. Kurd demokrasiya xwecihî dixwazin. Wanî dixwazin ku qeyûm biçe.”
Bakirhan got, “Kurd naskirinê dixwaze ne înkarê. Kurd dixwaze statuya Birêz Ocalan zelal bibe. Statuyeke fermî dixwazin, ne ya pratîkî.”
Hevserokê Giştî yê DEM Partiyê Bakirhan destnîşan kir ku di demekê de ku li Rojhilata Navîn çarenûsa gelan diyar dibe divê gelêw Kurd yekîtiya xwe ya demokratîk a neteweyî ava bikin.
Piştî axaftinan pîrozbahî bi gerandina govendê û stranan dewam kir.
