Li navçeya Kadikoy a Stenbolê, ji bo berdana berxwedêra Akbelenê Esra Işik a kuji ber li dijî biryara lezgîn a desteserkirina Îkîzkoy ê Muglayê gund û erdê xwe biparêze hatibû girtin, çalakî hat lidarxistin. Gelek rêxistinên ekolojîk, partiyên siyasî û sendîka beşdarî çalakiya li Qada Îskele ya Kadikoyê ya Stenbolê bûn. Di çalakiyê de daxwaza berdana tavilê ya parêzvana jiyanê Esra Işik hat kirin. Di çalakiyêê de dirûşmeyên “Esra Işik ne bi tenê ye”, “Esra Işik rûmeta me ye”, “Wêrankirin a şîrketan e, erd ên me ne”, “Yekîtiya gundiyan wê sermayeyê têk bibe” û “Akbelen aîdî gel e, em ê rênedin şîrketên holdingê” hatin berzkirin.
Di daxuyaniya hevbeş de hat diyarkirin ku Esra Işik a ji gundê Îkîzkoy ê Mîlasê ye pêşenga berxwedana Akbelenê ye. Di daxuyaniyê de hat destnîşankirin ku Esra Işik ji ber gund, erd, ked û pêşeroja xwe li dijî polîtîkayên ku şîrketên madenê û enerjiyê parast hat gitin û ev peyam hat dayîn: “Wekî ku Esra got, em bi serbilindî û bi rûmetî alaya têkoşînê dewr digirin. Em ê Esra ji destên dadweriya ku ji hêla şîrketên holdingê ve tê kontrolkirin rizgar bikin. Em berxwedana Esra li qadan bilind dikin. Em ê têkoşîna wê mezin bikin û li kêleka gundiyên Mîlasê yên ku li dijî desteserkirina bilez li ber xwe didin, bisekinin.”
