Hejmara dîlgirtiyên ku heta niha ji hêla Hikûmeta Demkî ya Sûriyeyê di çarçoveya peymana 29’ê Çileyê de hatine berdan, eşkere bû. Di çarçoveya hevdîtina Hêzên Sûriyeya Demokratîk (QSD) û Şamê de tê payîn ku di 10’ê Nîsanê de jî 200 dîlgirtiyên din bên berdan.
Di tevahiya meha Adarê de bi giştî 477 dîlgirtî azad bûn.
– Di destpêka Nîsanê de, 59 kes,
– Di 10’ê Adarê de 100 kes,
– Di 19’ê Adarê de 300 kes; heman rojê piştî çend saetan 8 şervanên YPJ’ê
– Di 25’ê Adarê de 10 kesên din hatin berdan.
Di heman demê de, li pişt van hemû hejmaran, hîn jî bi sedan malbat li benda agahiyê ne.
LI GUNDEKÎ AMÛDÊ BENDEMANÎ
Yek ji mînakên herî berbiçav jî bendemaniya malbatek ku li gundê Karakop Tehtani yê Amûdê dijî. Ji bo malbatê, ku nêzîkî 60 salan li heman gundî dijîn, dem û dûrahî niha li cihekê xitimiye, li benda agahiyek ku ji Hesen Osman Maci yê 19 salî were.
Hesen dema ku şer li ser rêya Reqa û Hesekê giran bûn, ji aliyê Hikûmeta Demkî ya Sûriyê ve hate girtin. Ji wê rojê ve, ji bo hînbûna çarenûsa wî, malbata wî tu derî nehişt ku neçûye.
CAREKE TELEFON, CAREKE GEF
Dayika Hesen Leyla Abbas Mihyedîn, bi vî rengî behsa bûyerên ku jiyaye kir, “Kesek bi rêya telefonê gerî û bi Erebî axivî. Gefa ew ê Hesen bikujin û ‘kuştê wî bidin kuçikan’ li malbatê xwar. Ev gef bendewariya malbatê ya ku bi mehan dewam dike girantir kir.”
Piştî demekê dîmenên Hesen ku ji girtîgehên cuda yên Sûriyeyê hatine parvekirin, hatin dîtin. Malbat bi rojane, her kêliyê heman dîmenê dubare dubare temaşe dike. Li gorî wan, ev dîmen hem hêvî û hem jî êşê dide wan.
‘DAXWAZA ME, SERBEST BERDANA DÎLGIRTIYAN E’
Bavê Hesen Osman Hesen Macî, hewl dide dengê xwe bigihîne hemû rayedaran;
“Ji dema ku şer dest pê kir û vir ve nikarim rakevim. Dixwazim di demeke kin de ev rewş biguhere. Daxwaza min tenê ew e ku kurê min û bi sedan dîlgirtiyên li girtîgeha Sûriyeyê demildest bên berdan. Hêvî dikim ku di nava dîlgirtiyên ku dê sibê bên berdan kurê min jî hebe. Ez dixwazim kurê min vegera mala xwe.”
