Li gundê Xwarik ê navçeya Gimgim a Mûşê, şîrketa IGNIS H2 Energy ya navenda wê li Amerîkayê, piştî pejirandina Komîsyona Bajêr a Walîtiya Mûşê, hewl dide di Gulanê de ji bo projeya Santrala Enerjiya Jeotermalê (JES) bîra xwe ya yekem bikole.
Li ser navê Platforma Ekolojiyê ya Gimgimê û gundên herêmê, parêzer Bariş Yildirim ji bo betalkirina projeyê serî li Dadgeha Îdareyê ya Çewligê da.
Di serlêdanê de hat diyarkirin ku dê proje bibe sedema “encamên neveger” û hat gotin ku şêniyên herêmê tam nehatine serwextkirin. Di daxwaznameyê de ku hat gotin “Di projeyeke ku rasterast jîngehê eleqedar dike de, agahî nayên veşartin” hat destnîşankirin ku ev yek bi tena serê xwe li dijî hiqûqê ye. Di daxwaznameyê de hat destnîşankirin ku li herêmê mêşvanî, sewalvanî û çandinî tê kirin û hat gotin ku ger ev proje bê çêkirin dê bandoreke nebaş li ekosîstema herêmê bike û sewalvanî, çandinî û mêşvanî zirareke mezin bibînin.
Di daxwaznameyê de hat diyarkirin ku ev projeya navborî ku dê bibe sedema encamên vegera wan tüne bê sekinandin û betalkirin.
