Susan Coyle, weke yekemîn jin ji bo fermandariya Hêzên Çekdar ên Awûstralyayê hat tayînkirin. Wezîrê Parastinê Richard Marles, biryara tayînkirinê ragihand û ev yek wekî “gaveke dîrokî” bi nav kir.
Susan Coyle di heman demê de yekem jina ku wê fermandariya şaxên hêzên çekdar bike. Susan Coyle ku xwedî ezmûna leşkerî ya nêzîkî 30 sal in, li Giravên Solomon, Efganîstan û Rojhilata Navîn xizmet kiriye. Susan Coyle bi pisporiya xwe ya di şerê sîber, çekên bêmirov û şiyanên leşkerî yên menzîlên dirêj de dertê pêş.
Susan Coyle diyar kir ku ev tecrûbe ji bo bicih anîna peywirên xwe zemînek xurt ava dike.
Wezîr Marles destnîşan kir ku ev tayînkirin ji bo nûnertiya jinan di artêşê de gaveke girîng e.
