Dayikên Şemiyê/ Mirovên Şemiyê bi daxwaza “Bila winda bên dîtin, kiryar bên darizandin” di hefteya 1102’yemîn de li Qada Galatasarayê çalakiya xwe ya heftane lidar xist.
Dayikên Şemiyê, Hevserokên Giştî yên ÎHD’ê Cîhan Aydin û Oya Ersoy, endam û rêveberên ÎHD’ê ya Stenbolê û gelek parêzvanên mafên mirovan tevlî çalakiyê bûn. Nûnerên Rêxistina Efûyê ya Navneteweyî jî piştgirî dan çalakiyê.
Di hefteya 1102’yemîn de aqûbeta Husamettîn Yaman û Soner Gul ên ku berî 34 salan hatibûn binçavkirin û windakirin, hate pirsîn.
Metna daxuyaniyê ji aliyê keça Fehmî Tosun ê winda Besna Tosûn ve hate xwendin.
