Li Kobanê, civata pêkhate û eşîrên herêma Firatê bi dirûşma “Bi rihê çanda xweşbîniyê û jiyana aştiyane, em nirxên civaka xwe biparêzin” bi amadebûna Êlên Ereb, Tirkmen û Kurd ên herêma Kobanê, fermandarên QSD`ê, nûnerên Meclisa Sûriyeya Demokratîk (MSD), partiyên siyasî, nûnerên hikûmeta demkî û mêvanên ji Heleb, Reqa, Tebqa û Girê Spî beşdarî civatê bûn.
Di civatê de hejmareke ji fermandariyên Wezareta Parastinê ya Sûriyeyê û Fermandariyên QSD`ê amade bûn. Her wiha Hevseroka Daîreya Têkiliyên Derve ya Rêveberiya Xweser Îlham Ehmed, Cîgirê Wezîrê Parastinê Sîpan Hemo û şêwermendê hikûmeta demkî Cîhad Îsa El Şêx, Şêwermendê Firqeya 60 Çiya Kobanê û gelek şêxên eşîran ji pêkhateyên cûda yê Sûriyeyê beşdar bûn.
Di nava civata ku bi hezaran kesî li hev kom bibûn de ji êlên Tirkmen, Kurd û Ereb ji ANF`ê re axivîn û diyar kirin ku dê Sûriyeyeke ji bo tevahî pêkhateyan bi rihê hevgirtinê bê avakirin û ew ê heta dawiyê ji bo hevgirtina pêkhateyan di nava liv û tevgerê de bin.
`TENÊ BI HEVGIRTINA TEVAHÎ PÊKHATEYAN, SÛRIYEYEKE AZAD PÊKAN E`
Hec Ebdulselam Cuma yê ji bajarê Minbicê diyar kir ku Kurd û Ereb bêyî hev nikarin jiyan bikin û anî ziman ku bi salan e ku bi hev re ne û got: “Ne pêkane bêyî hevgirtina tevahî pêkhateyan Sûriye bê avakirin. Divê em bi yek dest û bi yek rihî tevbigerin û li hemberî her tundiyê serî hildin. Divê yek dest bin da ku em di nava Sûriyeyeke azad da jiyan bikin. Ji bo avakirina Sûriyeyeke azad, divê êdî em dawî li vî şerî bînin, ew jî tenê bi hevgirtinê pêkan e.”
`XITABETA KERAHIYÊ ALOZÎ ZÊDE KIRIN, DIVÊ PÊŞÎ LÊ BÊ GIRTIN`
Emîr Elaşiq Elheşimiyon ku ji pêkhateya Tirkmen ê ji bajarê Ezazê, ji Êla Demalix e, diyar kir ku hemû pêkhate xwişk-bira ne û got: “ Ne mumkune ku di avakirina Sûriyeyê de netewek di avakirina wê de tune bibe. Divê her netewe di nava vê Sûriyeyê de jiyan bike, ew mafê wan e. Xitaba kerahiyetê, pêşî li wê yekê girt û demek xiste nava hevgirtina tevahî netewan. Divê em li hemberî wê xîtabetê jî rabin û em bi hev re Sûriyeyeke azad bidin avakirin.”
‘AVAKIRINA SÛRIYEYÊ BÊYÎ KURDAN NE PÊKAN E`
Dayika ji bajarê Kobanê ya bi navê Edlê Mihemed jî got ku divê hemû pêkhate bi awayekî azad di nava hev de jiyan bikin û got:” Sûrî ne bêyî Kurdan dibe û ne jî bêyî Ereban dibe: Ev herdu netew jî xwediyê Sûriyeyê ne, Em ji dîrokê de bi netewa Ereb re cîranin. Ji pêşiyên me û heta niha jî em bi hev re ne. Bi van xîtabetana ne mumkune ku ev herdu netew ji hev bên qutkirin. Ji lew re jî di nava Sûriyeyê da jî Kurd netewa esasî ye, ji ber ku ne mumkune avakirina Sûriyeyê bêyî Kurdan pêk were.”
`BI SAYA KURDAN TERORA DAÎŞ’Ê TÊK ÇÛ`
Endizyar Elî Qerqîn ê ji navçeya Ezazê ye û ji pêkhateya Tirkmenan e diyar kir ku ew xwediyê 24 qebîle ne û got: “Gelê Kurd û hêza xwe li hemberî terora DAÎŞ’ê li ber xwe dan û bajarên me rizgar kirin. Ne mumkîn e ku Sûrî jî bêyî Kurdan pêk were. Em tu carî qebûl nakin. Ev axa Kurdan e jî û em jî bi wan re xwşk-bira ne. Ev Sûrî ya me hemûyan e û em ê bi rihê hevgirtina hemû pêkhateyan jî bi ser bikevin.
