Tehliyeya Melîke Goksu û Emîne Abîş ên ku li Girtîgeha Jinan a Tîpa F a Sîncanê tên ragirtin, bi biryara Lijneya Îdarî û Çavdêriyê cara sêyemîn hate astengkirin. Tehliyeya girtiyan ji aliyê lijneyê ve ku di 21’ê Gulanê de civiya, bi hinceta “nebaşhaliyê”, ji bo 9 mehan hate taloqkirin.
Melîke Goksu ku di hilbijartinên herêmî yên 2019’an de li ser navê Partiya Demokratîk a Gelan (HDP) weke hevşaredara Qereyaziya Erziromê hatibû hilbijartin, di 18’ê Îlona 2019’an de bi tohmeta “endamtiya rêxistinekê” hatibû girtin. Melîke Goksu ku 7 sal û 16 meh ceza lê hatibû birîn, berê di Tebaxa 2025’an de ji bo sê mehan û di Mijdara 2025’an de ji bo şeş mehan hatibû paşxistin.
Emîne Abîş ku di 31’ê Adara 2023’an de di doza xwerêveberiya Sûrê de hatibû girtin, bi tohmeta “endamtiya rêxistinê” 7 sal û 6 meh ceza lê hatibû birîn. Paşê berdana wê ya bi şert di Tebaxa 2025’an de ji bo 3 mehan û di Mijdara 2025’an de ji bo 6 mehan hatibû paşxistin û vê yekê rê li ber berdana wê girtibû.
Dîroka din a danişîna girtiyên ku berdana wan hatibû astengkirin ji bo 22’ê Sibatê hatiye destnîşankirin. Di meha dawî de, berdana 5 girtiyên ji Girtîgeha Jinan a Girtî ya Sîncanê bi biryara Lijneya Îdarî û Çavdêriyê hatiye astengkirin.
