Ajansa Enerjiyê ya Navneteweyî (International Energy Agency-IEA) di rapora xwe ya li ser Razemeniyên Enerjiyê ya Cîhanê de diyar kir ku şerê li Rojhilata Navîn di bazara enerjiyê ya global de 5 salên dawî 2 caran bû sedema rûdana krîza ewlekariya enerjiyê ya mezin.
Dîrektorê Bicihanînê yê IEA’yê Fatîh Bîrol got, bûyerên diqewimin weke veguherîna piştî kr3ıza petrolê ya salên 1970’î de rû da, wê bandorê bike.
Bîrol anî ziman ku hem welatên enerjiyê hildiberînin, hem jî yên bi kar tînin bi projeyên li ser binesazî û xetên nû hewl didin rêgehên xwe yên tedarikê zêde bikin. Di heman demê de giraniyê didin ser bikaranîna çavkaniyên xwe yên enerjiyê.
Li gorî raporê, razemeniya li enerjiya global wê di sala 2026’an de bigihêje 3,4 trîlyon dolarî. Bi qasî 2,2 trîlyonê vê yekê wê ji şebekeyên elektrîkê, sîstemên depokirina enerjiyê, sotemeniya bi emîsyona kêm, enerjiya nukleerê, çavkaniyên dikarin bêne nûkirin û berhemdariya enerjiyê re bê veqetandin.
Tê texmînkirin ku razemeniya li sektorên petrol, gaza xwezayî û komirê bi qasî 1,2 trîlyon dolar be.
