Meclisa Malbatên Şehîdan îro li Goristana Şehîd Dijwar a li gundê Dawûdiyê yê Hesekê ji bo oxirkirina cenazeyê şervanên Hêzên Sûriyeya Demokratîk (QSD) Baz Partî (Behaa Xelîl), ku di 26`ê Gulanê de li Hesekê dema ku erkên xwe pêk dianî, şehîd bû, mersîmek lidar xist.
Merasîm bi deqeyek rêzgirtiê dest pê kir. Piştre, endama Meclisa Malbatên Şehîdan, Dêrsim Heseke axivî û sersaxî ji malbata şehîd re xwest.
Dêrsim Hesekê got, “Şehîd Baz di nav yên pêşîn de bû ku tevlî şoreşa Rojava bû û beşdarî gelek şeran li seranserê Rojava bû. Ew bi wêrekî û fedakariya xwe dihat nasîn.”
Ji fermandarên QSD`ê, Alan Hesekê got, “Em bi rêz û hurmet li ber qurbaniyên şehîdên xwe yên qehreman bejna xwe ditewînin, yên ku canê xwe dane da ku xelkê vê herêmê di aştî û ewlehiyê de bijîn.”
Bi navê malbata şehîd Baz , birayê wî, Adil Xelîl, axivî û got, “Şehîd ne tenê hejmar in; ew di dilê me de dijîn, çirayên ku rêya me ya rûmetê ronî dikin.”
Piştî axaftinan belgenameya şehadetê hat xwendin û radestî malbata hat kirin.
Cenazeyê şehîd bi tilîliyan û dirûşmeyên “Şehîd nemir in” hate veşartin.
