Bi girseyî serdana Hasan Ogut ê ku di 27’ê Gulanê de ji Girtîgeha Girtî ya Tîpa T ya Karabukê hate berdan, hate kirin. Serdan bi pêşengiya Şaxa Mêrsînê ya Komaleya Piştevaniya bi Malbatên Girtî û Hikûmxwaran re (TUHAY-DER- Çukurova) pêk hat û Platforma Saziyên Demokratîk a Mêrsînê jî di nav de bû.
Ewilî serdana mala malbatê ya li navçeya Mezitliyê hate kirin, lê ji ber şert û mercên fîzîkî yên kêm ên malê hate diyarkirin ku wê serdan li avahiya TUHAY-DER ê navçeya Akdenîzê werin qebûlkirin. Hasan Ogut li avahiya komaleyê bi kulîlkan hate pêşwazîkirin.
Ogut diyar kir ku zehmete ku mirov hestên xwe ên piştî azadiya xwe bi çend hevokan diyar bike. Ogut got ku salên girtîgehê mîrateyeke girîng ji wan re hiştiye.
Ogut bilêv kir ku di dema girtîbûna xwe de hem dayika xwe hem jî bavê xwe winda kiriye û got ku gihîştina azadiyê di heman demê de hesteke ku xemgînî jî heye.
Ogut diyar kir ku di navbera dema girtîbûna xwe û îro de guhertinên mezin hebe û wiha got, “Di vê pêvajoyê de, ne tenê li Bakur li parçeyên din jî li dora Rêbertiyê kombûnek heye. Em ê vê hêviyê bi hev re mezintir bikin. Divê em li gorî berpirsyariyên pêvajoyê tevbigerin.”
Ogut da zanîn ku berxwedana zîndanê tecrubeyên girîng hiştiye û anî ziman ku tevî zextên di salên dawî de jî li girtîgehan yekîtî û piştevanî tê parastin. Ogut got, “Ji wê şûnde pêvajoya tevlîbûna xurt a li ser bingeha paradîgmaya nû ye. Ev ne tenê pêvajoyeke siyasî ye, di heman demê de pêvajoya rêxistinbûna topyekûn û sazîbûnê ye. Ez di wê baweriyê de me ku bi gelê me re wê ev xurtti bibe.”
