Şêniyên Kobanê û nûnerên saziyên sivîl û siyasî cenazeyê şervanê Hêzên Sûriya Demokratîk (QSD) şehîd Egîd Bab (Ebdulqadir Meclol) ê ku li ser rêya Reqa- Hesekê di 18ˊê Çileyê de şehîd bûbû, li Pakrewangeha Şehîd Dicle veşart.
Merasîmê bi deqeyek rêzgirtin dest pê kir. Dûre endama Meclisa Jin a Partiya Yekitiya Demokratîk (PYD) Bedîa Miho axivî, bal kişand seer fedakariyên şehîd Egîd û hevrêyên wî di parstina destkeftiyên gel de.
Bedîa di dawiyê de got: “Em xwedî dozê ne, fikira xwe ji Rêber Abdullah Ocalan digirin. Ji lew re em soz didin şehîdan ku li ser rêç û şopa wan bin.”
Li aliyekî din jî hevserokê Desteya Gazî û Malbatên Şehîdan a Kobanê Mistefa Êto li ser navê Meclisa Malbatên Şehîdan axivî û got bibîranîna fedakariyên şehîdan tê de bîrdank û rûpelên dîrokê de zindî bimin.
Êto destnîşan kir ku qonaxa heyî temsîla werçerxekê din a têkoşînê dike ku nasname û mafên gelê Kurd di destûra Sûriyeya nû de werin misogerkirin.
Mersîma bi xwendina wesîqeya şehîd û radestkirina ji malbatê xwe re bi dawî bû.
