Daxuyaniya Hevserokatiya Konseya Rêveber a KCK’ê wiha ye:
“Me îro (3’yê Tebaxê) dayika xwe ya delal, dayika Endamê Konseya Rêveber a me Mustafa Karasû Xanê winda kir.
Dayika Xanê dayika êşkişandî ya Sêwaza ku li sînorê herî rojavayê yê Kurdistanê ye ku herî zêde bi qirkirina etnîkî û çandî re rû bi rû maye, jiyanek bi êşên dîrokekî yên înkar û asîmîlasyonê re tijî ye, li ser jineke Kurd hatiye honandin, axa ku bi berxwedanêhatiye meyandiye, alîgira welatparêzî, mirovahî û civakî ye û hemû rengên van nirxan di temenê xwe yê 90 salî de bi cih kiriye. Dayika Xanê di temenê xwe yê zarokatiyê de bi ezmûna jiyanê re rû bi rû maye û rêyên ked û koçberiyê di temenê xwe yê ciwan de nas kiriye û yek ji wan kesan bû ku ew zextên aborî yên ku parçebûna di navbera sînor û çandan de dihat ferzkirin herî kûr jiya ye. Yek ji dayikên ku biqasî ku ji nasname û rengên hilgirtibû qut nebû, timî dilê wê bi kurê wê yê ku di destpêka salên 70’yî de tevlî têkoşîna azadiyê bû re lê dida. Di vê rêyê de li hemberî girtin, zilm, wêderkirin û dûrxistinê li ser piyan ma û deng û nefesa zarokên xwe yên ku ji pişt hesinan li ber xwe didan gihand derve. Wê qet berê xwe yê heqiyê neda zordaran; ruhê xwe, dilê xwe û mejiyê xwe bi vê hişmendiyê parastiye. Dayika Xanê ji destpêkê ve şopînerek herî nêz ê têkoşîna azadiyê bû, mîna dixwest aştiyek birûmet a ku bi encamê tacîdar bibe bibîne, bi salan li dijî xisarên ku li ser beden û mejiyê wê çêbûne berxwedana xwe ya jiyanê berdewam kir. Her çiqasî hişê wê êdî nikaribû giraniya salan hilgire jî, ji bo têkoşîna ku bi hêviyek mezin pêve girêdayî bû û ew keç û xortên ku wê temsîl dikirin ji bîr neke înat kir û heta dawiya nefesa xwe wan bi bîr anî.
Dayika Xanê ji zîhniyeta mêtinger a desthilatdar ku koletiyê li ser jinan û Elewiyan ferz dike re bibe bersiv û ji bo taybetmendiyên çavkaniya hezkirin, hêvî, jiyandin û afirandinê ya heqîqeta nasnameyan zindî bihêle timî di nava hewldanan de bû. Ji ber me Dayika Xanê winda kir em di nava xemgîniyeke mezin dene. Em vê xemgîniyê di serî de bi malbata xwe ya hêja û gelê Kurdistanê re parve dikin û sersaxiyê dixwazin; Dayika me Xanê Ji ber vê yekê, em sersaxiyê ji hemû gelê Kurdistanê re dixwazin; m soz didin ku em ê ji bo serketina pêvajoya aştiya demokratîk a ku bi biryardariyeke mezin li bendê bû di nava berxwedanek domdar de bin.”
