Karwanê yekem ê koçberên Serêkaniyê yên derdora 400 malbatî, îro ji Kampa Waşokanî bi rê ket. Piştî 7 salan vedigerin warê xwe û bi hêvî ne ku aram bijîn.
Ji karwanê yekem ê koçberên Serêkaniyê çend kes, berî ku bi rê bikevin, ji ANHA’ê re axivîn.
Mihemed Hisên El Elî got: “Em nikarin kêfxweşiya xwe bi lêv bikin. Keçeke min a biçûk heye, ji kêfan xew nekir. Veger xeyala me bû, me li koçberiyê gelek zehmetî dîtin. Em îro vedigerin, em ê malên xwe çêbikin û mîna berê bijîn.”
Fatma Emîn Şerîf jî got: “Min gelekî bêriya mal û bajarê xwe kiriye. Me li koçberiyê zor û zehmetî dît û zarokên me dûrî warê xwe mezin bûn. Em bi vegerê gelekî şa û bextewer bûne. Heke baskên min hebûne, ez ê ji kêfan bifiriyama. Dibe ku mala me wêran bûye lê li pêşiya vegerê nabe asteng.”
