Sersaxiya ji bo şehîdên Gerîlayên Azadiya Kurdistanê li navçeya Gever a Colemêrgê hate danîn, berdewam dike. Ji çar aliyên Colemêrgê û bajarên li derdorê hejmareke zêde ya welatiyan berê xwe dan konê sersaxiyê. Hevseroka Giştî ya DEM Partiyê Tulay Hatîmogûllari jî seredana konê sersaxiyê yê li Geverê kir û ji malbatên şehîdan re sersaxî xwest.
Tûlay Hatîmogllari di sersaxiyê de axivî ev yek anîn ziman: ‘’Bila serê gelê Kurd sax be. Ji bo gelê Kurd canê xwe feda kirin. Di encama vê têkoşîna ku ev 50 sal in berdewam dike de êdî tu kes nikare gelê Kurd înkar bike.
Êdî em dixwazin ev têkoşîn bi aşitiyeke birûmet were tacîdarkirin. Bila şer bi dawî bibe. Em bi têkoşîna xwe gihîştin van rojan û divê em a niha têkoşînê derbasî qonaxeke din bikin. Şehadeta zarokên me jî ji bo vê yekê bû. Me tu caran ew ala têkoşînê nexist erdî û em ê ji niha û pê ve jî heya dawiyê hilgirin.’’
Ciwanên Geverê û Dayikên Aşitiyê li gel berzkirina dirûşmeyên weke ‘’Bijî Serok Apo’’ û ‘’Şehîd Namirin’’ ber bi qada sersaxiyê ve meşiyan.
