Endamê Serkirdayetiya YNK’ê Ziyad Cebar di daxuyaniyek çapemeniyê de têkildarî pêvajoya Aştî û Civaka Demokratîk got: “YNK hertim piştgiriya aştiyê ya li beşên din ên Kurdistanê kiriye. Aştî yek ji rêbazên YNK’ê ye, ji berku bi aştî û demokrasiyê xelkê Kurdistanê dikare mafên xwe bidest bixe.”
Têkildarî pêşniyara Rêber Apo ku daxwaza avakirina ‘Hikumeta Yekîtiya Demokratîk’ ji Herêma Kurdistanê re kiribû, Ziyad Cebar got: “Peyama birêz Ocalan a ji bo yekitiya gelê me û hikûmetek me ya yekgirtî hebe, peyamek dostane û dilsozane ye.”
Rêber Apo di hevdîtina xwe ya di 2’yê Tebaxa 2026’an a li gel şandeya Îmraliyê de, bang li hêzên siyasî yên Başûrê Kurdistanê kir ku xwe ji bo guhertin û qeyranên nû yên Rojhilata Navîn amade bikin. Her wiha ji bo çareseriya qeyrana Hikumeta Herêma Kurdistanê jî, pêşniyara avakirina Hikumeteke Yekitiya Demokratîk kir.
