Rûsyayê ragihand ku wan li dijî sektora enerjiyê ya Ûkraynayê êrîşên mezin û berfireh amade kiriye.
Wezareta Parastinê ya Rûsyayê roja yekşemê li ser Telegramê daxuyanî da û ragihand ku artêşa Rûs li dijî tesîsên sektora enerjiyê ya Ûkraynayê dest bi amadekariya “êrîşên mezin û berfireh” kiriye.
Wezaretê diyar kir ku weke bersiva êrîşên Ûkraynayê yên li ser sektora enerjî, petrol û binesaziya sivîl a Rûsyayê ev êrîş tên plankirin.
LI NÊZÎ KÎEVÊ 37 KES MIRIN
Li aliyê din, di êrîşa balafira bêmirov a Rûsyayê ya li ser depoyeke li nêzî Kîevê de hejmara miriyan derket 37’an.
Waliyê Herêma Kîevê roja şemiyê daxuyanî da û ragihand ku di êrîşa li ser herêma Buça de hejmara kesên jiyana xwe ji dest dane derket 37’an. Berê hatibû ragihandin ku 27 kesan jiyana xwe ji dest dane.
Hat ragihandin ku piştî êrîşa balafira bêmirov a di saetên şevê de, li depoyê teqîneke mezin û piştre li ser hev teqîn çêbûn.
JI ZELENSKIY HIŞYARIYA MUHÎMMATÊ
Serokê Dewleta Ûkraynayê Volodimir Zelenskiy bal kişand ser qûralên depokirina muhîmmatê.
Zelenskiy roja şemiyê daxuyanî da û bi bîr xist ku qedexe ye li nêzî avahî yan jî qadên din ê niştecihiyê muhîmmat were depokirin.
