Tatbîqata leşkerî “Super Garuda Shield” a bi pêşengiya Endonezya û Dewletên Yekbûyî yên Emerîkayê (DYE) destpê kir. Di çarçoveya tatbîqatê de ku nêzî 20 sal in tê kirin, îsal li gel Endonezya û DYE’yê ji 12 welatan ku Îngilistan û Fransa jî di nav de ne bi giştî 4 hezar û 700 leşker li hev civiyan.
Tatbîqata li giravên Sumatra û Borneo û li herêmên cuda, wê heta 11’ê Îlonê dewam bike.
Di perwerdeyê de wê operasyonên serdegirtinê yên hêzên taybet û karên parastina sîber jî bêne lidarxistin. Li gel Îtalya û Taylandê hin welatan jî çavdêrî şandin tatbîqatê.
Fermandarê Tumena Peya ya 4’emîn a DYE’yê Patrick J. Ellis anî ziman ku tatbîqat ji bo xurtkirina mîmariya ewlekariyê ya li herêmê girîng e. Her wiha diyar kir ku atmosfera ewlekariyê ya li Hînt-Pasîfîkê tevlîhev e û got, piştî ku krîzekê destpê kir nepêkan e ku kapasîteya operasyonî bi lez bê xurtkirin.
ENDONEZYA DI NAVBERA DYE Û ÇÎNÊ DE LI HEVSENGIYÊ DIGERE
Endonezya ku aboriya herî mezin a Başûrrojhilatê Asyayê ye, polîtîkaya xwe ya derve weke “azad û aktîf” pênase dike û hewl dide ku têkiliyên bi DYE û Çînê re di heman demê de bimeşîne. Cakartayê meha Nîsanê hevkariya xwe ya parastinê ya bi DYE’yê re derbasî asta “şirîkatiya hevkariya parastinê ya girîng.”
Endonezya li gel vê yekê vê mehê bi Çînê re tatbîqateke deryayî ya hevpar pêk anî. Taywanê tatbîqata navborî bi “provokasyonê” pênase kir.
Tê payin ku Endonezya û Çîn di mehên pêş ên vê salê de di çarçoveya “Heping Garuda” de jinûve tatbîqateke hevpar a leşkerî lidar bixin. Giraniya vê tatbîqata bi rêk û pêk tê kirin alîkariya mirovî, destwerdana li afetan û hevkariya leşkerî ye.
