Li navçeya Qoser a Mêrdînê Dayika Aştiyê Elîf Aslan a ku çend roj berê xwîn rijiyabû ser mêjiyê, li nexweşxaneya ku lê dihat dermankirin jiyana xwe ji dest da. Cenazeyê Elîf Aslan a 89 salî li gundê Izêr ê li herêma Xursê hat veşartin.
Şîna Elîf Aslanê li Mala Şînê ya li Taxa Dundarlarê hat danîn.
3 zarokên Elîf Aslanê li pey hev tevlî têkoşîna azadiyê ya Kurd bûbûn û her yek ji wan di demên cuda de şehîd bûne. Keça wê Sultan Aslan di sala 1989’an de di pevçûnên li navçeya Stewrê ya Mêrdînê de şehîd bû û kurê wê Mehmet Emîn Aslan, jî di sala 1988’an de di pevçûnên li navçeya Dêrikê de şehîd bû.
Keça wê ya din Emîne Aslan jî ku bi tohmeta “endamtiya rêxistinê” di Girtîgeha Girtî ya Jinan a Tîpa T a Hejmara 2’yan a Rihayê de girtî bû, di 4’ê Kanûna 2019’an de ji ber vîrusa koronayê (Covid-19) li nexweşxaneya ku lê dihat dermankirin, şehîd bû.
