Ewlekariya Peravî ya Yewnanistanê roja Duşemê ragihand ku li peravên Girava Gîrîtê keştiyek ku koçber tê de bûn noqî binê avê bû. Hate ragihandin ku di bûyerê de 8 kesan jiyana xwe ji dest dan. Di bûyerê de ku 28 kesên ji Sûdanê hatin rizgarkirin, karên rizgarkirinê ji ber şert û mercên nebaş ên hewayê bi zehmetî tê meşandin.
Li gorî daxuyaniya tîmên Ewlekariya Peravê, operasyona lêgerîn û rizgarkirinê roja Şemiyê bi qasî 6 mîl ên deryayê dûrî peravên başûr ên Gîrîtê destpê kir. Di operasyonê de 28 kes hatin rizgarkirin, cenazeyê kesekî jî hate dîtin.
Tîmên rizgarkirinê ku şeva Yekşemê û sibeha Duşemê karên xwe dewam kirin, bi 10 mîl ê deryayê nêzî Gîrîtê keştiya koçberan dîtin. Di keştiyê de cenazeyên 7 kesan hate dîtin. Bi vî rengî hejmara qurbaniyan gihîşt 8 kesî.
JI LÎBYAYÊ BI RÊ KETIBÛN
Li gorî agahiyên ku meqamên Yewnan ji rizgarkiriyan wergirtî, koçber 3 yan jî 4’ê mijdarê ji Lîbyayê bi rê ketibûn û berê xwe dabûn Ewropayê.
