Bi hatina Cejna Qurbanê re bi sedan ji malbatên şehîdan ên Kantona Firatê serdana gorên zarok û şehîdên xwe kirin. Malbatan find li ser gorên şehîdan pêxistin û şehîd li ser gora xwe hat bi bîranîn.
Girseya gel ku li Goristana Şehîd Dicle li hev kom bûn, find pêxistin û cejna hev pîroz kirin.
Piştî deqeyekê rêzigirtinê Hevserokê Meclîsa Malbatên Şehîdan a Kantona Firatê Mihemed Eyno axivî û diyar kir ku ew bi saya şehîdên xwe gihîştine vê astê. Mihemed Eyno anî ziman ku ew ê heta dawiyê jî xwedî li mîraseya şehîdan derkevin û got ku heta avakirina jiyana azad wê xeta wan bişopînin.
Piştî axaftinê find li ser gorê şehîdan hatin pêxistin.
