Nûnerê War on Want Leon Sealey-Huggins di panela bi sernavê “Rizgariya ji sotemeniya fosîlê û demokrasiya enerjiyê” de axivî û anî ziman ku girêdayîmayina bi sotemeniya fosîlê newekheviyê mezin dike. Leo Sealey-Huggins destnÎşan kir ku veguherîna enerjiyê divê li gorî pêwîstiyên gelan be, ne yên şîrketan be.
Sealey-Huggins bi bîr xist ku bi milyonan mirovên xizan ji wergirtina enerjiyê bêpar in, ev mirov ji nedîtî ve tên û destnîşan kir ku ji bo edaleta avhewayê pêk were divê maldarî û desthilatdarî jinûve bê belavkirin.
Di panelê de ji 350.org Rukia Khamis axivî û bal kişand ser berpirsyariya dîrokî ya li pêşberî krîza avhewayê.
Seroka Komeleya Parastina Hebûneya Çandî û Xwezayî ya Kazdagi Suheyla Dogan jî diyar kir ku di veguherîna sektora enerjiyê de divê mercên aboriyê yên jinan û keda xwedîkirinê li ber çavan bê girtin.
Ji 350.org Joao Cerqueira jî bal kişand ser mafê biryardanê yê gelên xwecihî li ser qadên xwe yên jiyanê û xaka xwe.
NERAZÎBÛNA LI HEMBERÎ RAZEMENIYA JI SOTEMENIYA FOSÎLÊ RE
Di rûniştina bi sernavê “Na ji sotemeniya fosîlê re” bandora polîtîkayên sotemeniya fosîl a li ser krîza avhewayê, tenduristiya gel û qadên jiyanê. Nûnerê Şervanên Avhewayê ya Pasîfîk Fenton Lutunatabua li dijî projeyên sotemeniya fosîlê bal kişand ser girîngiya hewldanên enerjiya dikare bê nûkirin a bi pêşengiya civakê û têkoşîna civakî.
Ji Platforma ‘Sîstemê Biguherîne Ne Avhewayê’ Ozdeş Ozbay jî nerazîbûn nîşanî bandora şîrketên sotemeniya fosîlê ya li ser muzakereyên avhewayê da. Ozdeş Ozbay diyar kir ku têkoşîna li hemberî krîza avhewayê bi polîtîkayên heyî nabe û got, pêwîstî bi bernameyeke derbasbûnê ya şênber heye ku kedkar û sendîka di polîtîkayên enerjiyê de xwedî mafê gotinê bin.
ENERJIYEKE DIN PÊKAN E
Di beşa dawî ya bi sernavê “Enerjiyeke din pêkan e” de hilberîna enerjiyê, bikaranîna wê bi rengekî demokratîk û tevlîbûna gel li pêvajoyên biryardanê hate nirxandin. Qisekeran diyar kirin ku veguherîna enerjiyê divê ne tenê terikandina sotemeniya fosîlê be û gotin, divê li serweriya sermayeyê ya li ser enerjiyê bê pirsîn.

