Malpera Kolbernews ragihand ku danê sibehê kolber Mihemed Tewhîd Penahî yê 25 salî û xelkê Seqiz yê Rojhilatê Kurdistanê yê, li herêmên sînorî yên Hengejalê ya ser bi bajarokê Bane di encama gulebarana rasterast a hêzên çekdar ên rejîma Îranê de hate qetilkirin.
Hat diyarkirin ku hêzên sînorî bêyî hişyarî dayînê û ji nêz gule li Mihemed Tewhîd Penahî barandine û di encamê de kolberê ciwan jiyana xwe ji dest daye.
Li gorî agahiyan Mihemed Tewhîd Penah, zewicî ye û niştecihê gundê Wezmele yê ser bi navçeya Serşîw a bajarokê Seqiz ya Rojhilatê Kurdistanê ye.
