Di çarçoveya lêpirsîna têkildarî xwendekara zanîngehê Gulistan Dokû de ku beriya 6 salan li Dersimê winda bû, li 7 bajaran biryara binçavkirina 13 kesan hate dayin. Hate ragihandin ku di nava binçavkiriyan de kurê Waliyê Tûnceliyê yê wê demê Tûncay Sonel, Mûstafa Turkay Sonel jî heye.
Di çarçoveya lêpirsînê de di serî de Stenbol li bajarên cuda bi hevdemî operasyon hatin kirin û li gorî agahiyan Mûstafa Turkay Sonel li Stenbolê hate binçavkirin.
Xwendekara Zanîngeha Mûnzûrê Gulistan Dokû 5’ê Çileya 2020’î li Dersimê winda bû bû. Ji wê demê ve lêpirsîn tê meşandin lê belê hîn jî Dokû nehatiye dîtin.
