Di sala 2024’an de bi armanca protestokirina êrişên li ser herêmên Zap, Avaşîn û Metînayê yên Herêmên Parastina Medyayê xwestibûn ku li bajaroka Tilqebîn a navçeya Silopiya ya Şirnexê 2 rojan kon were danîn. Leşker û polîsan êrişî çalakiya nobetê kiribûn û 28 kes binçav kiribûn.
Piştî 2 salan derbarê nûçegihana Ajansa Mezopotamyayê Zeynep Durgut, nûçegihana JINNEWS’ê Derya Ren û nûçegihanê Ajansa Welat Mahmut Altintaş jî di nav de 28 kesan doz hat vekirin.
Di danişîna duyemîn a ku li Dadgeha Asliye Cezayê ya Silopiyayê hat dîtin de, welatî bi tawanbariya “nehiştine peywirdar karê xwe bikin” û “Tevli civîn û meşên xwepêşandanê yên derqanûnî bûne û tevî hişyariyê jî belav nebûn” hatin darizandin.
Dayika Aştiyê Emîne Eren a ku di danişînê de parastin kir diyar kir ku di dema pevçûnan de ji bo “pêşîgirtina rijandina xwînê û ji bo aştiyê” beşdarî çalakiyê bûne. Kesên din ên ku dihatin darizandin jî destnîşan kirin ku ew bi heman awayî bi daxwaza aştiyê beşdarî çalakiyê bûne û qala pêaknînên xirab a ku di dema binçavkirinê de pê re rû bi rû mabûn kirin.
Dozgeriyê bi armanca lêkolînkirina dîmenên roja bûyerê û tespîtkirina “berxwedanê” yên ku di îdianameyê de cih digirin, daxwaz kir ku dosya ji pispor re were şandin.
Heyeta dadgehê biryar da ku ji bo lêkolîna pispor û amadekirina raporê dosya were şandin, kêmasî werin temamkirin û danişîn taloqî 3’yê Sibata 2027’an kir.
