Dewletên Yekbûyî yên Emerîkayê (DYE) xelata bi mîlyonan dolarî ya ji bo girtina Wezîrê Karên Hundir ê Efganistanê Siracuddîn Hakkanî û gelek berpirsên êrîşên xwekuj rakirin.
Ev biryar piştî Serokê DYE’yê Donald Trump di meha Çileyê hat ser desthilatdariyê û serdana yekem a berpirsên Emerîkî ji bo Efganistanê hat.
Washîngtonê, ragihand ku ew xelata bi mîlyonan dolarî ya ku soza girtina serokên Talîbanê dabû, tevî ku hê jî wan weke ‘terorîst’ dibîne paşve dikişîne.
Berdevkê Wezareta Karên Hundir ê Efganistanê Abdul Matin Kanî, piştrast kir ku Washîngton biryara xelatê paşve kişandiye.
Li gorî pisporan ev biryar dikare bandora Siraceddîn Hakkanî di nava Talîbanê de xurt bike.
Ev biryar wezîr Siraceddîn Hakkanî û du serkirdeyên din ên tora Hakkanî, ku ji gelek êrîşên xwekujî berpirs in, eleqedar dike.
DYE’yê, beriya niha 10 mîlyon dolarî xelat ji bo girtina serokê Talîbanê diyar kiribûn.
