Çalakiya protestoyî ya li Agiriyê bi pêşengiya Platforma Saziyên Demokratîk li Qada Tahir Elçî hate lidarxistin. Di daxuyaniyê de pankarta “Rojava berxwedan e, azadî ye, nayê radestkirin” hate vekirin. Berdevka Tevgera Jinên Azad (TJA) a Agiriyê Dîlan Başboga axivî û diyar kir ku modela jiyana ku li Rojava bi pêşengiya jinê hatiye avakirin, hate hedefgirtin.
Dîlan Başboga anî ziman ku êrîşên li ser Rojava, destkeftiyên jinan û civaka demokratîk hedef girtiye.
Piştî daxuyaniyê, ciwanan bi berzkirina dirûşmeya “Bijî berxwedana Rojava” ber bi navenda bajêr ve meş lidar xist.
Li navçeya Erdîş a Wanê, bi tevlîbûna bi sedan kesan meş hate lidarxistin û daxuyaniya çapemeniyê hate dayîn. Di meşê de dirûşmeyên “Rojava xeta me ya sor e” û “Bijî berxwedana Rojava” hatin berzkirin.
Hevserokê Erdîşê ya DEM Partiyê Mahmut Pala di daxuyaniya çapemeniyê de axivî û got, “Gelê Kurd wê li dijî van êrîşan ti carî çok netewîne û statuya xwe bi dest bixe.”
Piştî daxuyaniyê, ciwanan bi berzkirina dirûşmeya “Bijî Serok Apo” meş domand.
