Fîlozof Zabala bi peyamekê piştgirî da ‘Banga Aştî û Civaka Demokratîk’ a Rêber Apo ya ku 27’ê Sibatê kir û got, “Du sed salên dawî yên modernîteya kapîtalîst, weke ku Ocalan jî işaret pê kir, bi esasî ji bo parçekirina tifaq û hevkariya hezar salî ya navbera Tirk û Kurdan ava bûye. Ocalan bi mafdarî ji bo tifaq û hevkariyeke nû bang dike.”
Zabala got, “Divê piştgirî ji vê bangê re bê dayin, gelên Kurd û Tirk pêwîste li dijî sorkirin û tevdana kapîtalîst a emperyalîzmê tevgera bi hev re teşwîq bikin. Hewldanên Ocalan divê vala neçin.”
ZABALA KÎ YE?
Santîago Zabala li Zanîngeha Pompeu Fabrayê profesor e. Zanîngeh, di sala 1990’ê de ji hêla Hikûmeta Xweser a Katalonyayê ve hate avakirin û navê xwe de ji fîlologê Katalan Pompeu Fabra digire. Li gorî Zabala, wateya felsefeyê ew e ku ji bo xerakirina ‘vegera li pergala heyî’ ya ji hêla kapîtalîzm û populîzma rastgir ve tê ferzkirin, xuyanîkirina rewşên lezgîn (guherîna avhewayê, newekheviya aboriyî û hwd.) ên hêj nehatine ferqkirin e.
