Gelên Herêma Bakur û Rojhilatê Sûriyeyê ji bo Bendava Tişrînê ji êrîşên bejahî, hewayî yên dewleta Tirk a dagirker û çeteyên wê SMO’yê biparêzin 34 roj in nobetê digirin.
Ji bo parastina bendavê heta niha 24 sivîl ji ber êrîşên artêşa Tirk a dagirker û çeteyên wê yên li dijî bendavê şehîd bûn û zêdetirî 200 sivîl jî birîndar bûne.
Tevî serma, seqem, baranê û êrîşên hewayî û bejahî yên li derdora bendavê, ciwan û temenmezin bi coşeke mezin beşdarî çalakiyan dibin.
Îro jî bi dehan xelkê bajarên Hesekê, Til Temirê, Dirbêsiyê, Til Birakê û Şedadê berê xwe da Bendava Tişrînê ku nobedê ji gelê bajarê Kobanê û gundewarê wê ku 6 roj in li ser bendavê ne, dewr bigirin
