Piştî banga dîrokî ya 27’ê Sibatê ya Rêber Apo endamên Heyeta Îmraliyê ya Partiya Demokrasî û Wekheviyê ya Gelan (DEM Partî) Pervîn Bûldan û Sirri Sureyya Onder yekemcar bi Serokê Giştî yê AKP’ê û Serokkomar Tayyîp Erdogan re hevdîtin kirin.
Hevdîtina li Kulliyeya Serokkomariyê bi qasî saetek û 25 deqeyan dewam kir. Di hevdîtinê de Alîkarê Serokê Giştî yê AKP’ê Efkan Ala û Serokê Rêxistina Îstîxbaratê Îbrahîm Kalin jî amade bûn.
Tê payin ku DEM Partî di nava rojê de li ser hevdîtinê daxuyaniyeke nivîskî biweşîne.
