Daxuyanî li pêşiya avahiya navenda giştî ya Heyva Sor a Kurd a li bajarê Qamişlo hate dayîn. Daxuyanî bi kurdî û erebî ji aliyên hevserokên Heyva Sor ve hate xwendin. Naveroka daxuyaniyê wiha ye:
“Em wek rêxistineke mirovî, hedefgirtina sivîlan û navendên tenduristiyê, her wiha dorpêça li ser Şêxmeqsûdê bi tundî şermezar dikin.
Hedefgirtina nexweşxane û navendên tenduristiyê sûcên şer in.
Em ji bo parastina sivîl û navendên tenduristiyê li gorî zagonên navneteweyî, bang li Rêxistina Tenduristiyê ya Cîhanê (WHO) û aliyên peywendîdar dikin ku zextê li aliyê ku binpêkirinan dikin, bikin û demildest destwerdanê bikin.”
