Civîna di navbera Serokê Meclisê û Komîsyonê Numan Kurtulmuş û nûnerên partiyên siyasî ya ji bo nivîsandina rapora komîsyonê bi dawî bû. Parlamenterê Stenbolê yê Partiya Wekhevî û Demokrasiyê ya Gelan (DEM Partî DEM) Cengîz Çîçek, Cîgirê Serokê Giştî yê MHP’ê Fetî Yildiz, Cîgirê Serokê Giştî yê CHP’ê Murat Emîr, Serokê Koma Yenî Yolê Bulent Kaya û Serokê Koma AKP’ê Abdulhamît Gul beşdarî civînê bûn.
Piştî civîna ku zêdetirî saetekê dom kir, nûnerên partiyên siyasî pirsên rojnamevanan bersivandin. Cîgirê Serokê Giştî yê CHP’ê Murat Emîr diyar kir ku Serokê Meclisê Numan Kurtulmuş wê derbarê civînê de daxuyaniyek nivîskî bide.
KOMA NIVÎSÊ WÊ JI NÛ VE BICIVE
Cîgirê Serokê Giştî yê MHP’ê Fetî Yildiz derbarê naveroka civînê de agahî da. Yildiz diyar kir ku civîn baş derbas bû û biyar hat girtin ku koma nivîsandina raporê wê roja Çarşemê saet 14:00’an dîsa bicive.
WÊ DEMA KOMÎSYONÊ WERE DIRÊJKIRIN
Yildiz anî ziman ku dema xebata komîsyonû wê were dirêjkirin û dibe ku roja Pêncşemê li ser vê mijarê bicive.
