3’yemîn rûniştina doza E.T. yê 10 salî yê ku di 13’ê Tebaxa 2025’an de dema duçerxe diajot li jinekê qelibîbû û ji ber vê yekê ji aliyê hevserê wê yê çawişê pispor Îbrahîm S. ve rastî tundiyê hatibû û milê wî hatibû şikandin.
Di rûniştina ku li 3’yemîn Dadgeha Ceza ya Asliye ya Colemêrgê hat lidarxistin de, dozgeriyê mutalaaya xwe pêşkêş kir û xwest ku bersûc ji sûcê “birîndarkirina bi qesdî ya li dijî zarokê ku ji aliyê bedenî ve di rewşeke ku nikare xwe biparêze” bê cezakirin.
Dozgeriyê daxwaz kir ku hikmên “tehrîka neheq” werin bicihanîn. Di mutalaayê de hat îdiakirin ku piştî ku zarok bi duçerxeya xwe bi xeletî li hevser û zarokê bersûc qelibî ye, bersûc bi “hêrs, tirs û panîkê” tevgeriyaye.
Di rûniştina ku bersûcê negirtî Îbrahîm S. tevlî nebûbû de, parêzerên aliyan parastina xwe kirin. Li ser daxwaza parêzerên bersûc ku xwestin li dijî mutalaayê parastina xwe amade bikin doz taloqî 9’ê Cotmehê hat kirin.
