MAK’ê plan kir ku çalakiyê li Qesra Kongreyê ya Versaillesê lidar bixe, lê belê piştî ku Walîtiya Yvelinesê bi hinceta ‘Rîska li ser pergala cemaweriyê’ qedexe kir, di kêliya dawî de li cihekî din hate lidarxistin. Tevgerê li hemberî qedexeyê serî li dadgeha îdarî da, lê belê biryar negihîşt beriya merasîmê.
Li qadeke taybet merasîm hate lidarxistin û daxuyanî hate dayin. Di daxuyaniyê de hate ragihandin ku rêveberiya Cezayîrê ji bo astengkirina çalakiyê zext kir. rayedarên MAK’ê destnîşan kirin ku serxwebûn ‘mecbûriyeteke dîrokî’ ye.
Di çalakiyê de ku hêzên ewlekariyê tedbîrên tund wergirtin, hate dîtin ku di nava dîasporayê de nêrînên cuda hene.
KOMARA FEDERAL A KABILIYEYÊ
MAK’ê bi vê daxuyaniyê re ku 14’ê Kanûnê da, ragihand ku ‘Komara Federal a Kabiliyeyê’ ava bûye.
Ev gav weke encameke sembolîk a guherîna armancên tevgerê tê dîtin, ku di nava salan de ji daxwaza xweseriyê derbasî armanca serxwebûnê bû.
Di nava armancên tevgerê de balkişandina raya giştî ya navneteweyî, hewldana naskirina li nava Neteweyên Yekbûyî û welatên Rojavayî û xurtkirina piştgiriya dîasporayê heye.
RAGEŞIYEKE NÛ
Li gorî nirxandinên di çapemeniyê de têne kirin, ev îlan ji bo rêvebreiya Cezayîrê nakokiyeke cidî ye ku bi salan e xwe weke “Parêzvanê mafê diyarkirina çarenûsa xwe ya gelan” dide nîşandan.
Çavdêr diyar dikin ku ev gava li Kabiliyeyê dikare rageşiya siyasî ya li welêt zêde bike û hişyariyê didin ku zextên li ser muxalîfan dibe ku hişk bibin.
Di hin analîzan de hate destnîşankirin, piştgiriya ku rêveberiya Cezayîrê beriya niha di asta herêmî û navneteweyî de dida hin tevgerên serxwebûnparêz, îro bi meseleya Kabîliyeyê lê vegeriya ye.
Tê gotin, li gel Kabîliyeyê, bûyerên li herêmên Tuagregê jî dikare li ser aramiya navxweyî ya welêt bibin sedema rîskên nû.
Bi helwesta rêveberiya Cezayîrê û bandora tevgerê ya li qada navneteweyî wê diyar bibe bê îlana MAK’ê wê sembolîk be yan jî veguhere gavên şênber ên dîplomatîk û siyasî.
Kabîliye herêmeke ji gelê Amazigh (Berberî) ye ku li bakurê Cezayîrê ye, di navbera peravên Derya Spî û Çiyayên Atlas de ye.
