Rêber Apo nameyek ji Rêveberiya Xweser a Şengalê û Civata Êzidî re şandibû. Di wê nameyê de, behsa fermanên li dijî Êzidiyan kir û got ew pir pê êşiye û destnîşan kir ku ew dê hebûna wan biparêze û bang li wan kir ku bibin yek.
Yekitiya Jinên Êzidî ya Rojava der barê nameyê de daxuyaniyek da. Di daxuyaniyekê de yekitiyê silavên xwe ji Rêber Apo re şandin û got: “Rêber Abdullah Ocalan ji Civata Êzidî re nameyeke girîng şand. Ev name, hêza me ya berdewamkirina têkoşînê ber bi bidestxistina demokrasiyê û aştiyê, xurttir kir.
Di dîroka dirêj a Civata Êzidî de, Êzidî rûbirûyî fermanên li dijî hebûn û çanda wê ma. Jinên Êzidî jî, armanca terorîst û sûcdaran bûn ku bi rêya hedefgirtina wê, hewl dan şaxên Civata Êzidî yên di dîrokê de, tune bikin.
Rêber Apo rêya azadiyê û demokrasiyê ji me re nîşan da. Em ê hêviyên wî yên bidestxistina jiyana hevbeş û birûmet li ser bingeha netewa demokratîk bi dest bixin.”
