Kombûnên gel ên bi pêşengiya Partiya Herêman a Demokratîk (DBP) û Partiya Demokrasî û Wekheviyê ya Gelan (DEM Partî) têne kirin, di roja duyemîn de ne.
KOMBÛNA GEL A LI WANÊ
Kombûna li saloneke dawetê ya li Wanê bi beşdariya endamê Heyeta Îmraliyê û parêzerê Buroya Hiqûqê ya Sedsalê Faîk Ozgur Erol, Hevşaredara Bajarê Mezin a Wanê ya ku qeyûm li şûna wê hatiye danîn Neslîhan Şedal, Hevserokê Bajêr ê DEM Partiyê Veysî Dîlekçî, endama Desteya Rêveberiya Navendî ya DEM Partiyê Derya Arslan û endamê Meclîsa Partiyê ya DBP’ê Huseyîn Ozsoy pêk hat. Civîn li çapemeniyê girtî pêk hat.
LI GEVERÊ BANGA JI BO TÊKOŞÎNA HEVPAR
Civîna li saloneke dawetê ya li navçeya Geverê ya Colemêrgê jî bi beşdariya endamê Desteya Rêveberiya Navendî yıa DEM Partiyê Latîf Çetîn, aktîvîsta TJA’yê Gulbahar Alpsoy û Parlamenterê Colemêrgê yê DEM Partiyê Onûr Duşunmez hate lidarxistin. Onûr Duşunmez diyar kir ku ji bo banga aştiyê ya Rêber Apo rast bê fêhmkirin kombûn girîng e û destnîşan kir ku aştiya civakî tenê bi têkoşîna hevpar a gelan pêk tê.
LI AGIRIYÊ PÊVAJOYA DÎROKÎ HATE DESTNÎŞANKIRIN
Li bajarê Agiriyê jî parlamenterên DEM Partiyê Salîha Aydenîz û Nejla Demîr, endamê Desteya Rêveberiya Navendî ya DBP’ê Mûrat Sarisacç, Hevşardara Agiriyê Hazal Aras û endamên meclîsa şaredariyê tevlî bûn.
Salîha Aydenîz li civînê axivî, bal kişand ser kaosa li cîhanê û Rojhilata Navîn û destnîşan kir ku divê sîstemeke demokratîk a ji jiyana bi hev re ya gelan bê avakirin.
LI ERZÎROM Û NAVÇEYÊN WÊ CIVÎNÊN GEL
Li navenda Erzîromê û navçeyên Xinûs û Tatosê hevdîtinên gel hatin lidarxistin. Hilbijartinên DEM Partiyê yên bajêr tevlî civînê bûn û nêrîn hatin parvekirin. Civîn li çapemeniyê girtî pêk hat.
